O sábado 3 de febreiro ás 20:30 horas no Auditorio da Fábrica, en Perillo, dará comenzo o V Ciclo de Música "Voces cálidas para noites de inverno" co concerto de EJAZZ.
Gañadoras dos Premios Martín Códax da Música na categoría de grupos vocais e coros (2017) e coa voz como único instrumento, as vocalistas galegas EJazz levan percorrendo os principais clubs de jazz e salas de concertos de Galicia desde o ano 2012. Carmen Rey é a súa directora musical e completan a formación Ángeles Dorrio, Marga Ramos e Betty Queiro.
Prezo: 2,50 € (As entradas poñeranse á venda a partir das 19:30 horas, ata completar a capacidade da sala).