O Departamento de Cultura abre o vindeiro xoves 22 de setembro o prazo de inscrición para as distintas actividades formativas do seu Programa de Actividades Culturais, que comenzarán un ano máis a partir do mes de outubro.
Este novo prazo de inscrición inclúe a Escola de Artes Plásticas para nenos e nenas, os obradoiros de teatro infantil e xuvenil e o grupo de iniciación ao teatro para persoas adultas.
Asi mesmo no mes de outubro continuará a súa actividade o alumnado do Grupo Estable de teatro, que leva xa varios anos de traxectoria teatral con grande éxito de participación e continuidade. As actividades de Olería infantil, xuvenil e de adultos retomarán as clases a partir do mes de xaneiro.
Para ter información sobre horarios e lugar de realización das distintas actividades pódese consultar na web municipal (www.oleiros.org) a información sobre Obradoiros que se amosa na Axenda Cultural da Concellería de Cultura.
Para ter máis Información e formalizar as inscricións dirixirse ao Departamento de Cultura no Centro Cultural A Fábrica (Rúa do Inglés, nº 13 – 15172 Perillo), no teléfono 981 610 000 (Extensións 4915 e 4916) ou mediante enderezo electrónico en cultura@oleiros.org ou r.caparros@oleiros.org.