Este ano 2014 celébrase a XX edición da Feira de Olería de Oleiros, máis coñecida como “Alfaroleiros”. Celebrarase do 6 ao 10 de agosto. Un ano máis oleiros de todo o país achegaranse a Oleiros para sementar o parque Luís Seoane de Santa Cruz de tradición e bo facer, permitindo así que o noso Concello faga honor ao seu topónimo e ás súas orixes.
Paralelamente á Feira no mesmo Parque Luis Seoane e na praza Esther Pita Pita, desenvolveranse diversas actividades de carácter lúdico-cultural, para disfrute de veciños e visitantes.
Mércores 6 agosto
19.00 h: Ginkana onde participará o alumnado do obradoiro infantil de olería de verán. Parque Luis Seoane.
20.00-22.00 h: Obradoiro de olería para nenos e nenas impartido pola ceramista Susana Gonzalez. Parque Luis Seoane.
Xoves 7 agosto
20.00-22.00 h: Obradoiro de olería para nenos e nenas impartido pola ceramista Susana Gonzalez. Parque Luis Seoane.
20.30 h: Actuación da Tuna de Veteranos “Cidade Cristal”.
Venres 8 agosto
20.00-22.00 h: Ludoteca de xogos tradicionais a cargo de Xandobela.
22.00 h: concerto de Balakandra
23:00 h: concerto de SES, co xenio destrozado.
Balakandra nace en San Sadurniño no ano 2004 no seo do mítico grupo Saraibas froito das inquedanzas musicais de varios dos seus membros que trataban así de dar renda solta aos seus coñecementos musicais. No 2012 editan o seu primeiro disco “Balakandra”. Neste ano 2014 a banda celebra o seu décimo aniversario. Seis músicos de idades e procedencias moi dispares, letras comprometidas coa nosa sociedade e cos nosos corazóns. A súa música é unha viaxe polas músicas do mundo con paradas no country e no blues do sur dos EEUU., nos sons latinos de Brasil e Cuba, nos clubes neoiorkinos e nos frenéticos ritmos do este de Europa, unha longa viaxe coa mellor locomotora: o folk galego.
Se algo podemos destacar de SES é o seu enorme carisma e forza persoal, xa de sobra amosada en centos de concertos e actuacións ao longo de toda Galiza.
20.00–22.00 h: ludoteca de xogos tradicionais a cargo de Xandobela. Parque Luis Seoane.
22.30 h: concerto de Quempallou. Música tradicional sen complexos.
Agora presentan o seu novo e agardado traballo discográfico “Vellas Novas”, que cunha estética baseada no mundo do xornalismo, contén composicións propias e tradicionais ao máis xenuino estilo de Quempallou. “Vellas Novas” é un traballo cargado de matices sonoros e cunha gran dose de influencias musicais, que chegan dende a experiencia dun grupo que leva máis de doce anos en escena. Como é habitual en Quempallou, o disco asenta unha fonda raíz na tradición musical galega, a partir da cal, constrúe arranxos, adapta letras e crea novas composicións. Así conseguen unha sonoridade característica, apoiada nas percusións tradicionais, o acordeón e as cordas, sobre o que camiñan frautas, gaitas, e sobre todo a voz.
Formación:
Roi Maceda: Acordeón, Guillerme Ignacio: Gaitas, frautas, voz, Isaac Millán: Bouzouki, Guitarra acústica, Roi Adrio: Tamboril, percusións. Xosé Maceda: Bombo, percusións. Alfonso Agulla “Eski”: Son ao vivo.
19.30 h: PETER PUNK peor imposible.
Un espectáculo non apto para xente aburrida!!
Espectáculo de clown. Todos os públicos. Parque Luis Seoane. Duración: 55 minutos.
Demostración do oficio de cabaqueiro. (Telleiros do Rosal - Pontevedra)