O vindeiro sábado 26 de setembro terá lugar unha nova edición do programa Andares por Galicia, a Cultura da Natureza, organizado polo Concello de Oleiros.
Este Programa céntrase en descubrir as características máis importantes a nivel natural, social e cultural da nosa terra e xerar conciencia de coidado e protección do patrimonio natural e cultural. Así mesmo trata de promover a convivencia e a socialización do grupo de participantes nun ambiente aberto e favorecer hábitos saudables de ocio no medio natural.
Esta saída contará con 3 guías especializados/as e ofértanse 40 prazas dirixidas a persoas maiores de idade, cun prezo de 23 euros, e preferencia para persoas empadroadas no Concello de Oleiros.
- As preinscricións realizaranse preferentemente na Sede electrónica/catálogo de trámites/cultura a partir do luns 14 de setembro ás 10.00 horas.
- No caso de que algunha persoa non lle sexa posible realizala así, poderá facelo na Fábrica en horario de mañá de 10.00 a 14.00 horas
- No caso de ter máis solicitudes que prazas a adxudicación de prazas realizarase por sorteo entre todas as solicitudes de persoas empadroadas rexistradas entre o luns 14 de setembro ás 10.00 horas e o mércores 16 ás 14.00 horas, na sede electrónica, no catálogo de trámites, ámbito de cultura.
RUTA
|
RUTA DE PENA GUÍMARA NA FONSAGRADA |
|
Distancia ao punto de inicio desde Oleiros: 150 km Punto inicio e fin: Vilardíaz (A Fonsagrada) Lonxitude: 11,5 km Dificultade: media-alta Data: 26 de setembro de 2026 |
|
IDEA DA RUTA: Ruta que discorre por camiños e antigas corredoiras, algunhas á beira do río, que retornan ao pasado amosando mostras etnográficas e culturais abondosas: muíños, corripas, carboeiras, algunha serraría... e paisaxes de montaña ben bonitas conformadas por bosque autóctono e coloristas uceiras. Iniciase na aldea de Vilardíaz, punto máis elevado do percorrido e desde aquí a ruta descende cara ao val do río Logares envolto na espesura do bosque caducifolio. De camiño a aldea de San Martiño de Robledo, que ten unha fermosa igrexa atopamos algúns teixos magníficos. A ruta achégase tamén á aldea abandonada de Romeán, próxima a un castro e con algún hórreo tradicional. A senda continúa paralela ao río percorrendo os meandros onde se forman bonitos saltos de auga. O camiño vaise afastando do río zigzagueando pola montaña e nos ofrece boas panorámicas do val do río Veiga de Logares e os bosques de Carballido. |
|
PUNTOS DE INTERESE
VISITA CULTURAL:
|
DE PENA GUÍMARA NA FONSAGRADA
RUTDE PENA GUÍMARA NA FONSAGRADA
Sábado, 26 de setembro de 2026
Do luns 14 de setembro ás 10.00 horas ao mércores 16 ás 14.00 horas