O vindeiro sábado 20 de xuño terá lugar unha nova edición do programa Andares por Galicia, a Cultura da Natureza, organizado polo Concello de Oleiros.
Este Programa céntrase en descubrir as características máis importantes a nivel natural, social e cultural da nosa terra e xerar conciencia de coidado e protección do patrimonio natural e cultural. Así mesmo trata de promover a convivencia e a socialización do grupo de participantes nun ambiente aberto e favorecer hábitos saudables de ocio no medio natural.
As saídas contarán con 3 guías especializados/as e ofértanse 40 prazas dirixidas a persoas maiores de idade, cun prezo de 23 euros.
- As preinscricións realizaranse preferentemente na Sede electrónica/catálogo de trámites/cultura a partir do luns 8 de xuño ás 10.00 horas.
- No caso de que algunha persoa non lle sexa posible realizala así, poderá facelo na Fábrica en horario de mañá de 10.00 a 14.00 horas.
- Ocuparanse as prazas por sorteo entre todas as solicitudes rexistradas entre o luns 8 de xuño ás 10.00 horas e o martes 9 ás 14.00 horas e terán preferencia as persoas empadroadas no Concello de Oleiros.
|
RUTA POLA CONTORNA DO PARQUE NATURAL DE CORRUBEDO. |
|
Lonxitude: 16 km Dificultade: media - baixa |
|
Ruta que saíndo de Aguiño adéntrase no Parque Natural do Complexo dunar de Corrubedo, onde poderemos gozar de boas vistas e perspectivas sobre este valioso espazo natura, e tamén na lagoa de Carregal, Ao longo do seu percorrido gozaremos de impresionantes paisaxes costeiras e da sombra do bosque de ribeira que nos acompaña ao igual que diversas mostras de patrimonio etnográfico, como muíños, lavadoiros, fontes e pasais... Remataremos nun dos monumentos megalíticos de maior significación en Galicia: o dolmen de Axeitos.
|
|
PUNTOS DE INTERESE
|
20 de xuño de 2026
23 euros