Concello de Oleiros

O Día da Candeloria ten orixe nos cultos pagáns da fertilidade e dos ciclos da natureza, que como a noite de San Xoán, a Semana Santa, ou o Nadal, acabou por ser cristianizado. Neste caso tratábase do ritual do lume, coas súas virtudes de protección.

Na antiga Roma celebrábase as Lupercales, a festa do lume e en honra da fertilidade. Nesta festa, realizábase unha procesión con candeas acesas de noite. O Papa Xelasio, no ano 492, crea a festa da Purificación da Virxe María, que é conmemorada o 2 de febreiro. O nome da Candeloria está orixinado pola procesión realizada dentro da igrexa con candeas benditas, festa que substitúe á romana e que posiblemente sexa orixe do actual Día da Candeloria.

Neste obradoiro cada participante vai confeccionar dúas pezas de barro coas que confeccionaremos dúas candeas.