Oleiros, 24 de maio de 2017-. Un can atacou de maneira brutal a un dos patos da Lagoa de Mera. Os operarios municipais nada puideron facer pola ave que perdeu a vida ao instante ao quedar sen cabeza.
Ante este tipo de acontecementos, o Concello de Oleiros lembra a obrigatoriedade que teñen todos os cidadáns de levar aos seus cans da correa en todos os espazos públicos do municipio. Nesta época do ano tampouco está permitido que os cans paseen ceibes polas praias, o que si poden facer os meses de inverno.