Oleiros, 31 de xaneiro de 2016-. Este sábado día 4 de febreiro comeza o IV Ciclo de Música “Voces cálidas para noites de inverno” co concerto de Paty Lesta & The Hits. O auditorio da Fábrica acollerá este espectáculo musical a partir das 20:30 horas.
Paty Lesta & The Hits forman un cuarteto que conta con voz, piano, contrabaixo e batería. O seu repertorio inclúe jazz, soul, swing e funky. As entradas para o concerto teñen un prezo de 2,50 euros e poñeranse á venda a partir das 19.30 horas, ata completar a capacidade da sala.