Oleiros, 13 de marzo de 2017-. As persoas maiores que participan nos obradoiros interxeneracionais “Oleiros na memoria”, están a ofrecer estes días clases de historia viva aos nenos e nenas de 2º, 3º e 4º de primaria do CEIP Juan de Vega. A temática xira arredor, precisamente, da figura de Juana de Vega, que lle dá nome ao colexio de Nós.
A historia dun pobo contada polos propios protagonistas, permite ás novas xeracións coñecer a súa orixe, a toponimia, como eran os lugares do propio pobo agora transformados ou desaparecidos; en definitiva permite coñecer a súa cultura e os seus recursos máis próximos. As novas xeracións teñen un oportunidade máis para achegarse e coñecer a historia do seu contorno, recuperada pola memoria e as experiencias da vellez; permitindo enriquecer e construír a historia e a cultura do seu propio pobo.
A educación non só se aprende na escola, senón tamén, na familia, cos iguais, no entorno que nos rodea, e as experiencias propias das persoas próximas a nós. Así mesmo, a propia Juana de Vega o recoñecía: “He recibido mi educación en la casa de mis padres, con virtudes, amor y sentimento, cultivando el saber apropiado. Mi más precioso patrimonio”.