Oleiros, 23 de abril de 2019-. O Museo Os Oleiros ten aberto o prazo de inscrición para un obradoiro no que as persoas que participen aprenderán a facer pezas propias da primavera da man da ceramista Susana González Amado, de Terra Lume. A actividade vai dirixida a todos os públicos e ten unha duración de tres xornadas, 4, 11 e 25 de maio.
Para obter máis información sobre o obradoiro así coma para formalizar as inscricións é preciso dirixirse ao Museo Os Oleiros, situado nas Torres de Santa Cruz. Tamén é posible chamar por teléfono ao 981 626 692 ou enviar un correo electrónico a museos@oleiros.org.