Oleiros, 27 de novembro de 2019-. A proxección de La sonrisa etrusca está programada para as 20:00 horas de mañá xoves día 28 de novembro, no auditorio da Fábrica. A entrada é gratuíta con invitación, que poderá recollerse desde unha hora antes do inicio do filme.
Esta película está protagonizada por un escocés cascarrabias que abandona a regañadentes a súa querida e afastada illa de Vallasay para viaxar a San Francisco en busca de tratamento médico para a súa enfermidade terminal. Ao mudarse co seu fillo, ao que hai quince anos que non ve, a vida de Rory sufrirá unha transformación a través do vínculo que establece co seu neto, xusto cando menos o espera.