Oleiros, 27 de setembro de 2019-. O pleno ordinario do mes de setembro aprobou a conta xeral do Concello de Oleiros do ano 2018. Tamén quedaron determinados os festivos locais para o ano 2020 que serán o martes de Entroido (25 de febreiro) e o luns de Pascua (13 de abril).
O pleno aprobou outros asuntos nesta sesión como a solicitude de subvención á Deputación Provincial da Coruña para a Feira Alfaroleiros ou a modificación de varias ordenanzas fiscais, entre outras cousas.