Oleiros, 6 de xuño de 2014-. O Concello de Oleiros, coa colaboración do Cosal, e a través da ONG Equus Cebra, realizou o pasado mes de febreiro un envío de material á localidade de Yaundé, en Camerún. Dito material xa se encontra a disposición dos seus destinatarios.
Tratábase dun contedor de 40 pés cuxo peso estimativo é de 14.000 quilogramos cargado de roupa, calzado para adultos e infantil, material informático, material médico, pupitres e cadeiras e material escolar. Tras varios meses de viaxe e trámites aduaneiros a ONG responsable do reparto do material confirmou que este completouse con éxito na súa meirande parte. Un dos principais destinos do material foi a escola pública da localidade Koli, onde se equipou ao centro escolar con novo mobiliario e aos escolares con material escolar e prendas de vestir, así como material deportivo.