Oleiros, 20 de xullo de 2017-. Máis de 250 patinadores procedentes de Portugal e de diversas partes de España participan o domingo no XX Trofeo Concello de Oleiros de patinaxe de velocidade. As carreiras comezarán ás 10:00 horas e transcorrerán polas rúas do polígono de Iñás.
Os máis de 20 equipos participantes veñen desde Portugal e varias comunidades autónomas. Entre eles estará o SCD Rabadeira de Oleiros, que organiza esta competición en colaboración co Concello de Oleiros.