Oleiros, 5 de xuño de 2019-. O Concello de Oleiros convoca 7 prazas de socorristas acuáticos para o Servizo de Salvamento, que non se cubriron na anterior convocatoria. Tamén se vai contratar persoal para o servizo de prevención e defensa contra os incendios forestais: un xefe de brigada e 4 operarios.
O prazo de presentación de solicitudes para aspirar a estas prazas de salvamento e socorrismo vai desde mañá xoves 6 de xuño ata o mércores 12 de xuño, ambos incluídos. As bases dos procedementos selectivos, nas que figuran os requisitos para participar, os modelos de instancias e o documento para o pagamento das taxas, atópanse na páxina web do Concello.