Oleiros, 26 de xaneiro de 2022-. O venres 25 de febreiro o Concello de Oleiros vai organizar unha visita guiada á exposición Peter Lindbergh. Untold Stories. A vindeira semana abrirase o prazo de inscrición para todas as persoas interesadas en participar.
A mostra atópase no peirao de Baterías do Porto da Coruña e é a primeira exposición en España deste fotógrafo. Peter Lindbergh. Untold Stories foi comisariada polo propio autor pouco antes da súa morte e conta con máis de 150 imaxes tomadas ao longo da súa carreira.