Oleiros, 28 de xaneiro de 2020-. Dentro do programa municipal Oleiros vai de museo, o Concello organiza para o venres 7 de febreiro unha visita guiada ao Museo de Belas Artes da Coruña para coñecer a exposición de Luis Seoane. A actividade é gratuíta e o prazo de inscrición xa está aberto, tendo preferencia para cubrir as prazas as persoas empadroadas en Oleiros.
Para apuntarse e obter máis información é preciso dirixirse ao Departamento de Cultura do Concello de Oleiros, situado no centro cultural A Fábrica, ben fisicamente ou a través do teléfono 981 610 000, extensións 4915 e 4916 ou do correo electrónico cultura@oleiros.org.