Oleiros, 8 de xuño de 2021-. O vindeiro sábado 19 de xuño continúa o programa Andares por Galicia, A cultura da Natureza coa ruta de Lariño a Muros por Monte Louro e Lagoa de Xerfas. Este programa está destinado a promover a convivencia e a socialización do grupo de participantes nun ambiente aberto e favorecer hábitos saudables de ocio no medio natural.
A camiñada a pé partirá do faro de Lariño e rematará no faro de Punta Queixal. A distancia a percorrer é de 19 km e está cualificada como de dificultade media.
O prazo de inscrición para esta excursión abre mañá mércores día 9 de xuño ás 9:00 horas. Para apuntarse é preciso enviar un correo a r.caparros@oleiros.org indicando nome, apelidos e DNI.