Oleiros, 27 de xuño de 2017-. O Concello de Oleiros procederá a sancionar economicamente a Gas Natural Fenosa se non retira o poste que se atopa no medio da beirarrúa na avenida Francisca Herrera. No caso de que a compañía non realice o soterramento dos cables e quite o poste terá que afrontar unha multa de 1.000 euros cada tres meses.
Tal e como estipula a lei, Gas Natural Fenosa está obrigada a soterrar os cables e levalos polas canalizacións existentes nesta zona urbana. A pesar diso, meses antes, xa pretendeu cobrarlle 11.700 euros a un veciño por realizar ese traballo.