Oleiros, 05 de abril de 2017-. Mañá xoves 6 de abril ás 20:00 horas, o auditorio das Torres de Santa Cruz acollerá a presentación do poemario “Ollares... no fondo da Retina... na paisaxe dos Afectos”, de Ricardo Seixo Fernández. O autor é un poeta que entende a escritura como un compromiso vital coa realidade na que vive e co país ao que pertence.
Ademais da presentación, haberá recital de poesías e música. Poderanse escoitar poemas intimistas e outros descritivos, uns apaixonados e outros ledos e tristes. Toda unha mestura de textos coa pretensión de acompañar ás persoas asistentes.