Oleiros, 25 de novembro de 2015-. O venres 27 de novembro ás 21:00 horas o Auditorio Gabriel García Márquez de Mera acollerá a mostra final do obradoiro municipal de teatro de adultos. Presentarase o novo espectáculo, 7, de creación colectiva, e dirixido polos profesores Ramiro Neira e Keke Díez.
O público terá oportunidade de gozar co aprendido polo alumnado durante os meses de ensaio no Teatro das Torres de Santa Cruz e o espectáculo fará as delicias das numerosas persoas asistentes. A entrada será libre, ata completar a capacidade da sala.