Oleiros, 23 de maio de 2017-. A Escola Municipal de Música celebra mañá mércores, ás 18:30 horas, o Día das Letras Galegas cun concerto na Fábrica. Igual que en anos anteriores, o alumnado de folk, gaita e de acordeón da Escola Municipal encherá o auditorio da Fábrica cos ritmos tradicionais da nosa música para celebrar este gran día para Galicia e homenaxear o escritor Carlos Casares, un dos grandes promotores culturais da segunda metade do século XX en Galicia.