Oleiros, 25 de setembro de 2018-. O vindeiro xoves 27 de setembro celébrase o pleno ordinario do mes de setembro do Concello de Oleiros, ás 20:00 horas na Casa Charry. Entre outros asuntos, o Goberno municipal aprobará os festivos locais para o ano 2019 que serán o martes de Entroido (5 de marzo) e o día de San Xoán (24 de xuño).
Ademais deste asunto, o Goberno aprobará a conta xeral do Concello do ano 2017, o Plan Parcial de Icaria IV e dous estudos de detalle urbanísticos en Iñás.