Nas semifinais masculinas, o Marino impúxose ao Perillo na tanda de penaltis tras un empate 1-1 no marcador global, mentres que o Santa Cruz superou ao Dorneda cun resultado de 2-3. Pola súa banda, despois das cinco xornadas femininas disputadas previamente, quedaron eliminadas da competición o Marino, o Xuventude de Dorneda e o Santa Cruz.
Como vén sendo habitual, o Concello asina cada ano un convenio de colaboración coas entidades participantes para a organización do torneo municipal, cun orzamento de 16.050 euros, destinado principalmente aos premios económicos para os clubs participantes.