Oleiros, 23 de abril de 2019-. A piscina do INEF, en Bastiagueiro, acolle o sábado 27 de abril o VII Trofeo Concello de Oleiros de Natación Sincronizada. A competición desenvolverase en xornada de mañá e tarde e está prevista a participación de 525 nadadoras de diferentes clubs de toda Galicia.
O Club Acuatic Oleiros exercerá como anfitrión dunha proba coa que o Concello de Oleiros pretende promocionar e fomentar esta especialidade deportiva.