Estes días está a rematar o proceso de licitación de dous centros de lecer para a mocidade de Oleiros, cuxa apertura está prevista para o vindeiro mes de outubro.
Trátase do centro Portaberta, situado na rúa Daniel Castelao, na localidade de Santa Cruz, e do centro de As Pedras, ubicado na Avda. das Mariñas, núm. 114, no lugar de Perillo.
Ambos espazos, que estarán abertos ao público de luns a sábado, en horario de tarde, contarán con puntos de información xuvenil e dun servizo de dinamización, co obxectivo xeral de informar e fomentar a participación e promoción social e cultural da mocidade de Oleiros, de entre 14 e 30 anos.