Estes feitos poñen de manifesto unha vez máis o dominio e control que exerce o sinonismo sobre os grandes medios de comunicación e as redes sociais a nivel mundial, hoxe principal vehículo de información para a cidadanía. Pero o máis perigoso para a saúde da nosa democracia é que, na práctica, teñen máis poder Facebook, Instagram ou outras grandes corporacións que os tribunais e o Goberno de España. Onde queda a soberanía de España?
O pasado mes de xaneiro, o Xulgado do Contencioso Administrativo número 4 da Coruña emitiu unha sentenza favorable ao Concello desestimando o recurso presentado pola Asociación Acción y Comunicación Sobre Oriente Medio. A sentenza amparou a actuación do Goberno municipal en base á Constitución española, polo dereito á liberdade de expresión e á crítica política, entre outros. Ademais, impúxoselle ao lobby israelí o pago de todas as costas xudiciais.