Crisálida é unha proposta de gran formato sobre un dos comercios tradicionais máis queridos da cidade da Coruña, e é o espectáculo número 25 de Caramuxo Teatro, co que a compañía cumpre xa 20 anos de traxectoria. Historias e lugares como a mercería Crisálida, máis baseadas nas relacións humanas e non só no beneficio económico, deben ser protexidas e recuperadas, porque ademais son parte da nosa historia e do noso patrimonio como seres humanos.
A entrada é gratuíta con invitación. Poderán recollerse na billeteira do auditorio a partir das 17:30 horas. A obra ten unha duración de 50 minutos e está dirixida a público familiar.