Oleiros, 30 de xuño de 2021-. O cuarteto Meraki ofrece un concerto este sábado no auditorio da Fábrica ás 20:30 horas. A entrada é gratuíta, podendo recoller as invitacións a partir das 19:30 horas.
O cuarteto Meraki está formado por Matías Llona Guajardo (violín), Ekhi Martínez Imai (violín), Ana Estévez Fernández (viola) e Karmele Castillo Maeso (violoncello). Desde a súa creación puideron recibir masterclass dos membros que forman o cuarteto Diotima, tanto de xeito individual como de xeito grupal. Puideron dar concertos en salas locais como o auditorio de Musikene ou a sede do Orfeón Donostiarra, ademais de ter a oportunidade de poder tocar noutras cidades como Bergara. Recentemente o cuarteto foi preseleccionado para participar na edición 82 da Quincena musical da cidade de San Sebastián.
Ante a situación sanitaria, e seguindo as directrices das autoridades, a capacidade da sala estará limitada. Será obrigatorio manter a distancia de seguridade e asistir con máscara, así como atender as indicacións e normas da organización.