Oleiros, 26 de maio de 2021-. A escritora Cecilia Monllor presenta mañá xoves día 27 de maio, ás 20:00 horas no teatro das Torres de Santa Cruz, a súa obra Nunca te hagas librero. Ademais da autora, o acto contará coa participación da directora de teatro e escritora Lola Roel.
Nunca te hagas librero son reflexións, en ton irónico, en torno á lectura, aos libros, aos libreiros/as e ás librerías. A súa autora é licenciada en Ciencias da Información pola Universidade de Navarra e exerceu o xornalismo durante dúas décadas, ata que a literatura a apartou dos despachos de comunicación. Actualmente todas as súas actividades profesionais teñen o libro como punto de partida.
Ante a situación sanitaria, e seguindo as directrices das autoridades, a capacidade da sala estará limitada. Será obrigatorio manter a distancia de seguridade e asistir con máscara, así como atender ás indicacións e normas da organización.