Oleiros, 29 de febreiro de 2016-. Mañá abre o prazo de renovación de matrículas para os alumnos e alumnas que xa están matriculados nas especialidades instrumentais da Escola Municipal de Música, e nas disciplinas de danza clásica, street dance e danza para adultos da Escola Municipal de Danza. O actual alumnado dos niveis de Música e Movemento que desexen seguir nas Escolas teñen desde o 30 de marzo ata o 7 de abril para formalizar a súa continuidade.
As novas solicitudes de matrícula daquelas persoas que desexen ser alumnos ou alumnas das Escolas Municipais de Danza e Música durante o vindeiro curso escolar 2016-2017, poderán realizalas entre o 15 e o 25 de abril.
Para realizar a renovación e as novas matrículas, os interesados deberán dirixirse ás secretarías de ambas escolas de 17 a 20 horas. Para máis información poderán chamar ao teléfono 981 639 155 da Escola Municipal de Danza , e ao 981 639 143 da Escola Municipal de Música.