Oleiros, 28 de xaneiro de 2022-. Xa está aberto o prazo para inscribirse no programa de actividades xuvenís Noctamboleiros do mes de febreiro que se desenvolve nas casas da mocidade. As actividades están dirixidas a mozos e mozas de 14 a 30 anos e son gratuítas.
Este mes organizarase unha excursión á Mariña lucense, obradoiro de cociña de entroido, torneo de FIFA, obradoiro de customización de pantalóns, curso de lingua de signos, teatro... ademais de continuar co programa radiofónico Mociradio. Para obter máis información ou inscribirse é posible nas casas da mocidade (Santa Cruz e As Pedras), chamar ao 981 614 083, ou enviar un correo a pix.portaberta@gmail.com ou pix.aspedras@gmail.com.