Oleiros, 25 de outubro de 2015-. Oleiros viviu hoxe unha homenaxe á figura de Ernesto Che Guevara nunha marcha que saíu do parque José Marti e rematou con emotivos discursos ao pé da estatua do guerrilleiro, na Rotonda de Nirvana.
O primeiro en falar foi o alcalde García Seoane, que fixo referencia ás pintadas que esta noite apareceron na estatua: "Esta forma de actuar é a dun covarde, con nocturnidade", dixo o alcalde, que agradeceu a presenza das asociacións "Porto com Cuba", de Portugal e a viguesa "Amizade galego-cubana Francisco Villamil". Tras a intervención do presidente da asociación portuguesa, Gonzalo Duarte, clausurouse o acto coas verbas do cónsul xeral José Antonio Solana, que quixo lembrar a "valentía e o compromiso tanto do pobo oleirense coma do seu Goberno e do seu alcalde".