Oleiros, 4 de novembro de 2019-. Xa está aberto o prazo para inscribirse no espectáculo Bichocas. Esta actividade, que forma parte da programación de Apego, desenvolverase na Casa da República o vindeiro sábado 9 de novembro e contará con dúas sesións: ás 17.30 e ás 18.30 horas.
Bichocas é un espectáculo dedicado á primeira infancia, para nenos e nenas de 0 a 3 anos, onde os obxectos e a palabra nos fan viaxar a través do mundo animal. As protagonistas das nosas historias aprenderán nesta viaxe a importancia de seren diversas e a posibilidade de compartir coas demais os seus afectos.