Oleiros, 9 de novembro de 2020-. Este sábado día 14 chega á Fábrica o grupo Mamá Cabra cun Obradoiro de arrolos. Esta actividade pretende aprender arrolos cos que adormecer, aleitar… e gozar da música nos primeiros días e meses de vida das crianzas.
Haberá dous pases: un ás 17:00 horas e outro ás 18:30 horas. A entrada é gratuíta, mais hai que reservala facendo a inscrición a través do formulario habilitado, que estará aberto ata as 14:00 horas do 13 de novembro, ou ata completar o aforo permitido que actualmente é dun máximo de 30 persoas. Por este motivo, o Concello solicita que só acuda 1 persoa adulta por cada unidade familiar.
Esta actividade está recomendada para crianzas de 0 a 3 anos e, como sempre, terán preferencia as persoas inscritas no Apego de Oleiros.