Oleiros, 10 de novembro de 2020-. Apareceu a persoa propietaria do loro abandonado que se atopaba atendido no Centro de Recuperación de Fauna Silvestre de Oleiros. Recibida a documentación que certifica a súa propiedade, procederase á súa correspondente entrega no día de mañá.
O pasado mes de outubro responsables do Centro de Recuperación de Fauna de Oleiros atoparon un loro gris en Perillo. Ao transcorrer máis de 10 días sen que ninguén o reclamase, a lei determinaba que o Concello debía declaralo como abandonado.