Oleiros, 7 de xullo de 2020-. Remataron as obras de construción dun novo parque infantil en Perillo, no parque da Barreira. O investimento nesta actuación ascende a 126.686 euros.
Esta nova zona de xogos substitúe á que se atopaba xunto á polideportiva da avenida da II República, nunha zona moi sombría. Neste lugar, ademais de estar rodeado por un espazo verde público de 10.988 metros cadrados, conta con máis xogos que son completamente novos.