Oleiros, 21 de xullo de 2020-. O Concello programou unha viaxe dun día ás Illas Cíes para todo o alumando de Oleiros de 4º da ESO dos centros de ensino público. Será a última fin de semana de agosto, con todo incluído, e estará financiada integramente polo Concello, para que ningún mozo ou moza quede sen participar por cuestións económicas.
Desde hoxe e ata o 28 de xullo é posible apuntarse a través da web municipal. O único requisito para participar nesta saída é ter estado matriculado en 4º da ESO durante o curso 2019-2020 no IES María Casares, no IES Miraflores ou no IES Neira Vilas e a aceptar as normas e a programación establecida.
A viaxe incluirá transporte, viaxe en barco, visita guiada e comida. A data definitiva dependerá do número de participantes. Antes da excursión, haberá unha reunión informativa.