Oleiros, 10 de outubro de 2019-. O Concello de Oleiros vai proceder a reordenar o tráfico no centro de Perillo para mellorar a seguridade viaria nesta zona. Os cambios que se van implantar priorizarán a seguridade da veciñanza fronte á comodidade do tráfico.
Está previsto que a nova sinalización sexa instalada a partir do 21 de outubro. Desde hoxe, o Concello está a notificar a todos os veciños e veciñas da zona os planos cos sentidos de circulación.