Oleiros, 31 de maio de 2018-. Mañá venres día 1 de xuño, a partir das 12:00 horas, a nova rotonda creada no centro de Santa Cruz quedará aberta á circulación. Desta maneira, os vehículos poderán incorporarse desde a rúa Concepción Arenal cara avenida Emilia Pardo Bazán e deixará de ser necesario o uso dos desvíos.
Aínda que a obra non está rematada por completo, durante os vindeiros días procederase á finalización dos traballos. Tan só será preciso realizar cortes temporais para acometer algunha das tarefas pendentes.
Coa construción desta rotonda elimínase un importante tapón para o tráfico. Ademais, créanse máis espazos de aparcamento e embelécese o centro desta importante localidade do municipio.