Oleiros, 26 de abril de 2018-. Debido ás obras do tanque de tormentas de Santa Cruz, procederase a cortar o actual bombeo durante un máximo de 12 horas, a partir da medianoite de mañá venres. Esta é unha operación necesaria para conectar a tubaxe actual ao novo bombeo.
“Non hai outra forma de facelo. Prevese un máximo de 12 horas, pero debería facerse en menos tempo. Os vertidos que poidan producirse seguramente os leve o mar coa marea alta”, comentou o alcalde Ángel García Seoane.