Oleiros, 10 de abril de 2019-. A empresa que contratou a Xunta de Galicia para construír o carril bici entre Montrove, As Pedreiras e o Carballo, -que aínda non entregou a obra- ten nun estado de abandono total os parterres, que acumulan herba cun metro de altura. Os veciños que lle cederon gratuitamente ao Concello os terreos para que esta obra se puidese chegar a facer demandan o ornato deste espazo.
Unha vez que a obra sexa entregada pola empresa construtora, o Concello de Oleiros comprometerase a manter e conservar en perfectas condicións as zonas verdes destas beirarrúas.