Oleiros, 1 de outubro de 2019-. O vindeiro xoves día 3 de outubro, ás 20:30 horas, o auditorio do centro cultural A Fábrica de Perillo acolle o concerto de Andrea Andreu. O espectáculo forma parte do Encontro Internacional de Música de Pulso e Púa de Galicia.
Andrea Andreu é cantautora e intérprete de música de Raíz. No seu repertorio relaciona as distintas afinacións usadas na guitarra tradicional de Chile, Perú e Arxentina.
A entrada é libre con invitación, que poderá recollerse a partir das 19:30 horas na Fábrica.