Bibliotecas
Tertulias literarias
Imagen Tertulias literarias

Nesta actividade realízase o comentario de obras de distintos xéneros literarios, principalmente narrativa contemporánea, nun ambiente de familiaridade, procurando o lado formativo e á vez, lúdico da lectura.

O principal obxectivo desta actividade é animar a ler  e a gozar da literatura como un desenvolvemento da capacidade de creación e comunicación, de maneira que compartindo ideas e eflexionando sobre temas diversos poidamos enriquecernos cos diferentes puntos de vista.

Preténdese ir descubrindo a maneira de escribir de cada autor ou autora, os distintos estilos, o tipo de linguaxe que utilizan e analizar os textos escritos, os procedementos e as características máis importantes de cada obra. A actividade complétase con encontros con escritoras e escritores.

Tes máis información:

  • Na Biblioteca Central Rialeda de Perillo. Tel.: 981 639 511
  • Na Biblioteca Pública Municipal ”Rosalía de Castro" de Santa Cruz. Tel.: 981 626 338
  • No Teléfono do Veciño: 981 610 000  

 

Asset Publisher

Back Despídense as Tertulias Literarias ata outubro

Imagen Despídense as Tertulias Literarias ata outubro

A tempada de Tertulias Literarias na Biblioteca Central Rialeda chegou ao seu término. Con esta, xa son 13 tempadas seguidas nas que a fidelidade das nosas participantes fixoque o primeiro grupo inicial de 20 se ampliase a un segundo grupo doutras 20 que leva 3 anos en funcionamento.

Esta tempada, propuxéronse 28 obras de literatura internacional, hispana e galega. Realizáronse actividades para conmemorar o Día Internacional do Libro e o Día das Letras Galegas.

Os títulos que recibiron maior aceptación foron os seguintes:

Grupo A (13 títulos lidos)

  1. La fiesta del chivo (PDF - 531.47 KB), de Mario Vargas Llosa
  2. Tierra desacostumbrada (PDF - 209.97 KB), de Jhumpa Lahiri
  3. Olive Kitteridge (PDF - 185.13 KB), de Elizabeth Strout
  4. Memorial del convento, de José Saramago

Grupo B (15 títulos lidos)

  1. Enderezo descoñecido / Paradero desconocido (PDF - 620.37 KB), de Kressmann Taylor
  2. Suite francesa, de Irène Némirovsky
  3. Memorial del convento (PDF - 184.95 KB), de José Saramago
  4. Merlín e familia (PDF - 546.57 KB), de Álvaro Cunqueiro

Dende a Biblioteca Central Rialeda agradecemos a todas e todos os participantes que pasaron pola actividade ao longo destos últimos 13 anos e especialmente ás/aos que empezaron na pasada tempada, a súa fidelidade e o seu compromiso coa Tertulia Literaria. Elas e eles son quenes protagonizan e fan tertulia e en definitiva, quenes "fan" literatura.

As Tertulias Literarias, coordinadas pola xornalista e libreira Cecilia Martínez voltarán no mes de outubro. As persoas que participaron ao longo da tempada 2010-2011 teñen preferencia á hora de inscribirse a partires do mes de setembro. As restantes persoas interesadas entrarán a formar parte dunha lista de espera que se abrirá igualmente en setembro.