Modificacións puntuais
Modificacións puntuais
Neste apartado da WEB iranse incorporando as Modificacións Puntuais do Plan Vixente aprobadas e as que se atopen en tramitación.
Modificacións puntuais
O Plan Xeral de Ordenación Municipal, aprobado por Orde de 11.12.2014 da C.M.A.T.I., DOG Nº16 de 26.01.2015 e BOP Nº29 de 12.02.2015, clasificou as parcelas obxecto de modificación como solo rústico de protección de espazos naturais en ordenanza 15 por estar incluídas na delimitación do espazo natural Costa de Dexo. Isto foi como consecuencia da Resolución de 23 de marzo de 2007 da Dirección Xeral de desenvolvemento sostible.
Este criterio foi corrixido tendo en conta a lexislación vixente así como o pronunciamento do órgano competente en materia de patrimonio natural do 25.1.2023. Aclarouse que o requisito recollido na Resolución do 23 de marzo de 2007 da anterior Dirección Xeral de Desenvolvemento Sostible de que “Todo o espazo natural Costa de Dexo debe estar clasificado solo rústico de protección de espazos naturais” debe entenderse referido só á categorización do solo rústico dentro do espazo natural protexido.
Conclúe así a citada DX que a parcela catastral 5153902NJ5055S ( a colindante 5153901NJ5055S) deberá ser clasificada como solo urbano sempre que se xustifique que reúne as condicións regradas establecidas ao respecto na lexislación urbanística vixente.
O obxectivo do presente documento é recoñecer a realidade existente en canto á clasificación como solo urbano consolidado de dúas parcelas dotadas das infraestruturas urbanas necesarias e edificadas, cumprindo coas esixencias da Lei 2/2016, do 10 de febreiro do Chan de Galicia para a cualificación de chan urbano.
Para consultalo lo acordo plenario de aprobación inicial de 27.03.2025 -pinche aquí-.
No enlace que se achega pode descargalo documento completo da Modificación.