Este luns 15 de novembro abre o prazo para inscribirse no contacontos Naturizo e o espírito do bosque. Esta contada de Sabela Gago terá lugar na Fábrica o domingo 21 de novembro ás 12.00 h.
Naturizo é un ourizo cacho que vive, xunto cos seus amigos e amigas, na serra de San Mamede. Os animais do bosque buscan a Naturizo e convidarán a rapazada a axudarlles, pero como está hibernando, o público terá que reconstruír a primavera para espertalo e que salve a súa amiga Amelia, atragoada cun tapón que confundiu con comida. Naturizo comprobará as destrezas das rapazas e dos rapaces na reciclaxe e no coidado do medio no que vivimos.
A actividade é para maiores de 4 anos.
As persoas interesadas en asistir, poderán inscribirse a través do seguinte enlace: https://forms.gle/oyPVHqofVkiyo5PNA.