Coidar e defender o patrimonio construido. Pero darlles un uso social, operativo, alternativo e práctico, adaptado ás necesidades das persoas. Por iso son espazos apropiados para a vida colectiva, pero uso particular: festas de amigos, cumpreanos, celebracións que pola razón que sexa non podes ou non queres celebrar na túa casa. Calquera cousa que precises, non tes máis que solicitar a túa reserva e responsabilizarte de que a entregarás igual que a recolles.
Casa situada a carón do parque infantil do paseo marítimo de Beiramar, préstase gratuitamente a persoas empadroadas en Oleiros para realizar festas familiares infantís cun número máximo de 25 persoas.
A solicitude deberá realizarse por escrito no Concello, no modelo existente para tal efecto e presentado por rexistro, e deberán cumprirse as normas establecidas para o seu correcto uso.
