Oleiros, 8 de marzo de 2013-. O Concello de Oleiros comezará nun breve prazo de tempo a executar as obras do proxecto de mellora integral de seguridade viaria en todo o municipio. Neste proxecto tratarase a creación de novos pasos de peóns, o repintado dos existentes, a mellora da sinalización vertical e o repintado da horizontal coa indicación de novas directrices que regularán o tráfico na maior parte dos núcleos de poboación do Concello. O obxectivo deste conxunto de obras é mellorar a seguridade dos peóns, polo que en case todas as urbanizacións e núcleos urbanos de alta densidade reducirase o límite de velocidade de vehículos.
Para iso instalaranse diversas bandas que obriguen a minorar a marcha. Estas bandas redutoras de velocidade construiranse con ramplas de lonxitude suficiente como para evitar posibles danos ou a deterioración dos vehículos. Ademais, algúns dos pasos de peóns situados nas zonas de maior tránsito de vehículos serán iluminados para que os condutores perciban a localización do paso con suficiente distancia para evitar riscos.
Con este investimento de máis de 100.000 euros en seguridade o Goberno local quere contribuír a minimizar os riscos para nenos e nenas, persoas maiores e en xeral toda a cidadanía que use as beirarrúas nas zonas urbanas das localidades e nas comunicacións entre os distintos núcleos de poboación.
ACTUACIÓNS PREVISTAS:
1. Rúa Doctor Fleming: Repintado de liña amarela e pintado dun paso de peóns.
2. Avenida María Pita: Sinalización das paradas de autobús existentes en Cabreira e pintado de liña amarela. Pintado de dous pasos de peóns na rotonda de Canide.
3. Avenida Palestina e rúa Gaza: Pintado de dúas illas e pintado de dous pasos de peóns na intersección coa avenida Morro de Canide.
4. Avenida Tierno Galván: Pintado dun stop con liña de parada á altura da rúa da Braña e pintado de liña branca de borde da calzada, nun lado continua e noutro descontinua.
5. Rúa Abeleiras: Repintado de paso de peóns.
6. Urbanización Rialta: Reposición de bandas de goma.
7. Rúa Concepción Arenal: Pintado dun paso de peóns na intersección coa rúa Emilia Pardo Bazán.
8. Rúa do Mar: Colocación de bandas redutoras da velocidade e pintado de paso de peóns. Pintado do eixe e dos bordes da calzada en pintura branca desde a altura da rúa Aguieira ata o cruce de Breixo.
9. Rúa Seixo: Pintado do eixe e dos bordes da calzada en pintura branca.
10. Rúa do Moucho: Pintado dunha rotonda nas inmediacións do complexo deportivo municipal de Dorneda.
11. Rúa Cormorán: Pintado dun novo paso de peóns e repintado de dous existentes. Colocación de dous sinais de limitación a 30 km/h na entrada da urbanización.
12. Rúa Ocaso coa avenida Che Guevara: Pintado de paso de peóns e repintado de liña.
13. Rúa do Areal na intersección coa N-VI: Pintado dun paso de peóns.
14. Rúa Romeu con avenida Valle Inclán: Pintado dun paso de peóns.
15. Glorieta de Lucín: Pintado de 4 pasos de peóns nas catro rúas que forman a intersección.
16. Rúa Linneo: Pintado dun paso de peóns.
17. Rúa Kenia: Pintado de dous pasos de peóns.
18. Rúa Romardeiro: Pintado de 4 pasos de peóns. Colocación de sinais e pintado de liña de borde da calzada.
19. Rúa Follas Novas: Colocación dunha banda de redución da velocidade.
20. Rúa O Bañil: Sinalización de sentido único.
21. Rúa das Torres: Paso de peóns en parada de autobús e recuperación da liña descontinua para acceder á rúa Manuel de Falla.
22. Rúa Manuel de Falla: Sinalización de zona a 30.
23. Rúa Follas Novas: Colocación dunha banda de redución da velocidade.
24. Rotonda da Veiga: Pintado de dous pasos de peóns.
25. Rúa da Gaita: Pintado dun paso de peóns.
26. Rúa Marte: Sinal de sentido único na entrada pola rúa Sol.
27. Rúa da Amistade: Colocación de sentido único.
28. Rúa Xusticia: Sinal de prohibición de entrada desde a rúa Paz e colocación de sinal de stop.
29. Avenida Miguel Hernández: Mellora da sinalización vertical nos accesos pola rúa Manuel Murguía, rúa Menta, rúa Anido e polo campo de fútbol.
30. Urbanización Mesón da Auga: Borrado da liña descontinua en toda a rúa e colocación dun sinal de sentido único e de acceso prohibido.
31. Rúa Cascaxeira: Colocación de bandas de redución da velocidade.
32. Rúa Bartolomé de las Casas: Colocación de dúas bandas de redución da velocidade.
33. Rúa O Morrazo: Repintado de 5 pasos de peóns e repintado de rotonda e eixes.
34. Rúa O Piñeiro: Colocación de dúas bandas de redución da velocidade.
35. Rúa As Avogadas na intersección coa rúa do Cántaro:Pintado de illas.
36. Avenida Che Guevara: Repintado da parada do autobús existente na intersección coa rúa Fuxeira. Colocación do panel P-20 «Precaución peóns en calzada estreita» na intersección Aguías- Mioporos.
37. Rúa Beiramar:Colocación de postes. Colocación dun sinal de limitación de velocidade a 30 km/h na intersección coa avenida das Mariñas e repintado das liñas do eixe, dos bordes e da marca viaria de stop.
38. Rúa das Ondas: Pintado de praza de estacionamento para persoas discapacitadas.
39. Avenida das Américas: Pintado de 6 pasos de peóns.
40. Rúa Miradoiro: Pintado de paso de peóns e repintado de eixe.
41. Avenida Valle Inclán: Pintado dun paso de peóns repintado de eixe e bordes de calzada.
42. Rúa Rafael Alberti: Pintado dun paso de peóns.
43. Rúa da Xesteira: Pintado dun paso de peóns e rebaixe do bordo.
44. Rúa Nogueira: Paso de peóns elevado.
45. Rúa Suárez Picallo: Paso de peóns elevado.
46. Rúa Luís Pimentel: Colocación de banda dura.
47. Avenida Rosalía de Castro á altura do cruce de Lucín: Repintado de liña amarela en zig-zag nas dúas paradas de autobús existentes e na zona de carga e descarga.
48. Urbanización Os Regos: Repintado de todos os pasos de peóns e colocación de sinais en toda a urbanización.
49. Rúa Eduardo Blanco Amor: Creación de paso de peóns elevado.
50. Rúa Concepción Arenal: Pintado das paradas de autobús existentes no cruce de Coruxo de Arriba.
51. Rúa Marcial Del Adalid: Colocación de dúas bandas redutoras de velocidade. Pintado dun paso de peóns na intersección coa rúa Casares Quiroga.
52. Rúa Viñas de Babilonia: Pintado de dous pasos de peóns.
53. Rúa Ventoeira: Colocación de dous sinais de entrada prohibida.
54. Rúa Eduardo Pondal: Pintado de bordes de calzada e de frechas de dirección.
55. Urbanización Icaria: Pintado de pasos de peóns e eixes da calzada e reposición da sinalización horizontal en toda a urbanización.
56. Rúa Codesal: Sinalización vertical de rúa de sentido único.
57. Rúa Salvador de Madariaga: Pintado de paso de peóns.
58. Urbanización O Pinar: Renovación da sinalización vertical.
59. Rúa As Torres: Repintado de pasos de peóns.
60. Rúa do Saber: Repintado de pasos de peóns.
61. Avenida Emilia Pardo Bazán: Repintado de paso de peóns fronte ao colexio Isidro Parga Pondal.