Oleiros, 8 de febreiro de 2013-. Ao longo dos próximos días Oleiros acollerá distintas festas de Entroido nas distintas localidades do municipio. Á xa coñecida festa de Entroido do Concello de Oleiros, que se celebrará o próximo día 15 a partir das 19.00 horas no pavillón Arsenio Iglesias de Santa Cruz e no que haberá máis de 3.000 euros en premios, súmanse as festas que se celebrarán nas distintas localidades e que están dirixidas fundamentalmente ao público infantil.
Deste modo, mañá sábado 9 de febreiro celebrarase a primeira festa infantil deste Entroido 2013 na localidade de Lorbé. Será a partir das 17.00 horas na casa do pobo. O luns 11 de febreiro ás 18.00 horas celebraranse as festas en Dorneda, Santa Cruz e Oleiros. A primeira será na casa do pobo, a segunda no centro cívico desta localidade e a terceira na casa da República. Xa o martes 12 de febreiro será en Iñás e Nós ambas celebracións serán nas casas do pobo a partir das 17.30 horas.
Para rematar, o sábado 16 de febreiro, tamén ás 17.30 horas, terán lugar o Entroido infantil de Perillo e Montrove. O primeiro será na polideportiva desta localidade e a segunda no centro cívico. Así mesmo, o sábado haberá festa na casa do pobo de Mera a partir das 18.00 horas e na de Dexo ás 19.00 horas. Todas as festas contarán con xogos e entretementos para os máis pequenos.