Oleiros, 14 de outubro de 2021-. A proxección de Bienvenido, Míster Marshall está programada para as 19:30 horas do vindeiro domingo día 17 de outubro, no teatro das Torres de Santa Cruz. A entrada terá un custo de 2,50 euros.
Este clásico, dirixido por Luis García Berlanga, está ambientada nos anos 50, en Villar del Río, unha vila pequena e tranquila na que nunca pasa nada. Porén, o mesmo día en que chegan a cantante folclórica Carmen Vargas e o seu representante, o alcalde recibe a nova da inminente visita dun comité do Plan Marshall (proxecto económico americano para a reconstrución de Europa). Este feito provoca unha grande axitación entre a xente, que se dispón a ofrecer aos americanos un recibimento moi especial.